作為運動員,新春佳節練習當然照常。不過,過節的氣氛為我地增添不少生氣,尤其係教練Geza為我地安排了特別項目:) Geza係匈牙利人,但來港6年嘅佢已經俾我地「同化」0左,對於中國傳統節日亦都非常享受,而且佢每年運用生肖對我地作出的祝福簡直唯肖唯妙!

蛇年最後一個練習日,Geza帶領我地騎着「駿馬」(單車)由體院出發前往大尾督水霸,再係大尾督食個lunch先折返,前後總共40km。雖然我地並非單車手,但40km對我地來說都算輕鬆嘅。再加上沿路風景優美,大家又抱着去郊遊嘅心情出發,而最重要係Geza並沒有不停催促,大家總算可以輕輕鬆鬆享受單車嘅樂趣,為蛇年畫上完美的句號之餘,大家亦用此作道別。

ausinying_140202

馬年一到,所有佩劍嘅隊員將會各散東西為新賽季作準備。女隊員已經率先出發前往巴黎,男隊員亦會在新年紅假後飛往馬德里,青少年隊員也會到韓國進行一個星期集訓,可謂各自各精彩。而我,則獨留香港留守大本營…雖然大家天各一方,但我相信大家都會非常努力練習。
在此我祝福大家好似馬一樣專心一致向目標前進,也好似馬一樣身體壯健 🙂 我很快會歸隊的:)

Print Friendly, PDF & Email

Comments