ACMILAN

熟識富足主o既朋友,都知道小弟除o左鍾意利物浦之外,亦係AC米蘭o既擁躉。呢支意甲褪色勁旅o岩o岩場聯賽又輸o左畀死敵祖記,但係富足主就非常心涼,幾乎瞓著覺都Gap Gap聲笑出o黎。

唔少米蘭粉絲(Sorry,我始終唔慣叫A米)最初都係因為荷蘭三劍俠而愛上紅黑軍團,富足主亦都唔例外,但如果要數近年最愛,就一定非派路莫屬。 派路o既威水史,唔使富足主多講,大家上網search(搜尋) o下就搵到。所以就算佢已經轉o左會去祖記,富足主仍然不減愛慕。o岩o岩場聯賽,祖記就係憑佢兩個罰球直接間接建功,贏o左米蘭3比2。

米蘭雖然擁有光輝歷史,但係近年畀外間印象就認真麻麻,老細縮骨、高層無能;最令富足主不齒o既,就係將功臣派路免費送走,反而留住班廢柴當係寶。結果祖記得到派路加盟後就如虎添翼,仲連贏兩屆意甲冠軍。至於米蘭,就只有落得X大皆空o既下場,真係現眼報。 寫到呢度,富足主就更加悲從中來,縮骨老細、無能高層、同埋廢柴隊友……根本就係依家香港社會o既寫照!無奈o既係,又有幾多人可以好似派路咁好命水呢?

富足主
logo-dlm-small

Comments